Uwa mbere waburiwe irengero ni Cédric Mandembo ukina judo ndetse ngo uyu mugabo ntabwo ari kwitaba telefone ye igendanwa nk’uko abari bakuriye itsinda ry’Abanyekongo babitangaje.

Umutoza w’ikipe y’igihugu ya Judo, Ibula Masengo, uw’iya boxe, Blaise Bekwa ,ndetse n’umwe mu bayobozi b’ikipe yo kwiruka, Guy Nkita, nabo ngo baba baburiwe irengero ; nk’uko radio Okapi yabitangaje.

Akazi ko gushakisha abakinnyi bari bitabiriye imikino Olympique kariyongereye, kuko harimo hashakishwa Abanyakameruni batanu batera amakofi, none hiyongereyo n’Abanyekongo bane.

Igihugu cya Kameruni cyasabye abayobozi b’imikino olympique kubafasha kubona abakinnyi baba bahunze kugira ngo bigumire mu Burayi kubera ibibazo by’ubukungu.

Jean Noel Mugabo