Kuri iki Cyumweru mu mujyi wa Pristina mu gihugu cya Kosovo, hasojwe igikombe mpuzamigabane mu mukino wa Handball cyahuzaga ibihugu bihagarariye buri mugabane.

U Rwanda ruhagarariye umugabane wa Afurika rwahuye na Bulgaria ihagarariye umugabane w’u Burayi, aho bahataniraga umwanya wa gatatu.

Abasore b’ikipe y’u Rwanda baje bakosoye amakosa yatumye batsindirwa muri 1/2, maze banyagira Bulgaria ibitego 48 kuri 31, mu gihe igice cya mbere cyari cyarangiye u Rwanda n’ubundi ruyoboye n’ibitego 21 kuri 18.