Handball:Gicumbi HBT na Kiziguro SS begukanye igikombe cy’Intwari (AMAFOTO)

Yanditswe na

Sammy Imanishimwe

14-02-2022 - 10:49' | Ibitekerezo ( )

Handball:Gicumbi HBT na Kiziguro SS begukanye igikombe cy’Intwari

Kuri iki Cyumweru ku kibuga cya Handball kiri kuri Stade Amahoro ni ho habereye imikino ya nyuma ya Handball yahariwe kuzirikana intwari z’u Rwanda, imikino yari yaratangiye mu mpera z’icyumweru za 05 na 06/02/2022.

Imikino yabimburiwe n’uwa nyuma mu bakobwa batarengeje imyaka 18, aho igikombe cyatwawe na ISF Nyamasheke itsinze GS Kitabi ibitego 25 kuri 11. Umukino wa nyuma mu bahungu GS ADEGI yatsinze ES Kigoma ibitego 37 kuri 27.

Hakurikiye imikino ya nyuma mu bakuru, aho igikombe cyatwawe na Kiziguro SS biyoroheye, nyuma yo gutsinda UR Rwamagana 29 kuri 14, aho yari yawugezeho itsinze ikipe ya Falcons ku bitego 16-12.

Shema Maboko Didier, Umunyamabanga uhoraho muri Minisiteri ya Siporo yari yitabiriye iyi mikino

Hakurikiyeho umukino wari witezwe na benshi, aho ikipe ya Gicumbi yari yiyubatse bigaragara, aho yanayoboye umukino mu minota hafi ya yose, bigera n’aho irusha Police HC ibitego bitanu, gusa umukino uza kurangira Gicumbi iwutsinze ku bitego 33-31.

Gicumbi HBT yashinzwe muri 2007 yegukana ibikombe 3 bya shampiyona (2007,2008 na 2013). Yakinnye umwaka wa 2014 ihita ihagarara kubera amikoro make. Muri 2019 yongeye kugaruka ikina shampiyona ya 2019 isoreza ku mwanya wa 5.