KT TV
#WC2026: Espagne igeze ku mukino wa nyuma itsinze u Bufaransa(Amafoto)
Ikipe y’igihugu ya Espagne igeze ku mukino wa nyuma w’igikombe cy’Isi 2026 nyuma yo gutsinda Ikipe y’Igihugu y’u Bufaransa ibitego 2-0 mu mukino wa 1/2 cy’irangiza, aho itegereje, izava hagati ya Argentine na Ubwongereza.
Uyu mukino wa bereye kuri AT&T Stadium, kuri uyu wa gatatu tariki ya 14 Nyakanga 2026 maze Mikel Oyarzabal atsinda igitego cya mbere kuri penaliti nyuma y’ikosa Lucas Digne yakoreye Lamine Yamal mu rubuga rw’amahina umusifuzi Ivan Barton agatanga penaliti ku munota wa 22, ari nacyo cyasoje igice cya mbere ari 1-0.
Igice cya kabiri cyatangiranye impinduka ku ruhande rw’ikipe y’igihugu y’u Bufaransa, Adrien Rabiot ava mu kibuga hinjiramo Manu Kone, iba impinduka ya kabiri nyuma yiyabaye mu gice cya mbere ya Maxence Lacroix wasimbuye William Saliba nyuma y’imvune yagize muri icyo gice.
Ikipe y’umutoza De la Fuente nyuma yo gukina neza yiharira umupira hagati mu kibuga yashimangiye ko ishaka gukina umukino wa nyuma y’igitego cya kabiri cyatsinze na Pedro Podro ku munota wa 58 maze iyobora umukino.
Umutoza Didier Deschamps watozaga igikombe cye cy’Isi cya nyuma yagerageje gukora impinduka ashaka kwishyura ibitego 2 yari yatsizwe ariko ubwugarizi bwa Espagne bwitwara neza.
Ikipe y’Igihugu ya Ubufaransa yakinaga imikino ya 1/2 ku nshuro ya gatatu yikurikiranya isezerewe itageze ku mukino wa nyuma yaherukagaho mu bukombe by’Isi bibiri biheruka.
National Football League
Ibitekerezo
Ohereza igitekerezo
|
|
