KT TV
Umunya-Eritrea Biniam Girmay yegukanye agace ka Tour de France
Si rimwe, si kabiri ahubwo ni ubugira gatatu Biniam Girmay yereka amahanga ko ari igihangange mu kunyonga igare, akegukana agace k’iri siganwa ryo mu rwego rwo hejuru, ndetse akaba ari nawe munyafurika w’umwirabura wa mbere wegukanye agace ka Tour de France.
Uyu munya-Eritrea w’imyaka 24, ibiro 70, n’indeshyo ya metero 1,84, aritegura kwambara mayo y’icyatsi mu isiganwa ryo ku Cyumweru, igihembo gihabwa uwasize abandi ahazamuka muri iri rushanwa rimara ibyumweru bitatu.
Benshi mu bakurikiranira hafi umukino wo gusiganwa ku magare, bizeye ko intsinzi ya Girmay izazana impinduka mu irushanwa rya Tour de France usanga ryiganjemo abazungu. Muri Tour de France yo muri uyu mwaka, Girmay ni we mwirabura wenyine urimo mu banyonzi 176.
Girmay, cyangwa Bin nk’uko abakunzi n’abafana be bamwita, yavukiye ndetse arererwa muri Eritrea, igihugu kiri mu Burasirazuba bwa Afurika gituwe n’abaturage miliyoni 3,7.
National Football League
Ibitekerezo
Ohereza igitekerezo
|
|
