Ibi byatangajwe n’Ishyirahamwe ry’Umupira w’Amaguru muri Tanzania binyuze mu itangazo ryashyize hanze aho ryavuze ko imikino ibiri ya gicuti iki gihugu cyari gukinira i Marrakech muri Morocco yasubitswe.

Muri iri tangazo TFF yavuze ko ari icyemezo cyafashwe na Morocco yari kwakira iyi mikino, mu rwego rwo kwirinda icyorezo cya Ebola.

Tanzania yari gukina na Uganda kuri uyu wa Gatanu mbere yo gukina n’Amavubi tariki 9 Kamena 2026.

Ntabwo ari iyi mikino gusa yasubitswe dore ko hanasubitswe umukino wari guhuza u Burundi na Equatorial Guinnea kuri uyu wa Kane.

Mbere yo gukina na Tanzania,u Rwanda ku wa Gatandatu w’iki cyumweru rwari kubanza gukina na Comoros umukino wo utari wagira icyo utangazwaho.

Amavubi yageze muri Morocco ku wa Kabiri w’iki Cyumweru.