UEFA Champions League: Real Madrid izacakirana na Manchester City muri 1/8

Ku gicamunsi cyo kuri uyu wa mbere tariki ya 16 Ukuboza 2019, i Nylon mu Busuwisi habereye tombola y’uko amakipe azahura muri 1/8 cy’irushanwa rihuza amakipe yabaye aya mbere iwayo ku mugabane w’i Burayi, irushanwa rizwi ku izina rya UEFA Champions League.

Pep Guardiola utoza Machester City na Zinedine Zidane utoza Real Madrid bazahurira muri 1/8
Pep Guardiola utoza Machester City na Zinedine Zidane utoza Real Madrid bazahurira muri 1/8

Uko Tombola yagenze:

• Borussia Dortmund yo mu Budage izahura na Paris Saint-Germain yo mu Bufaransa
• Real Madrid yo muri Esipanye izahura na Manchester City yo mu Bwongereza
• Atalanta yo mu Butaliyani izahura na Valencia yo muri Esipanye
• Atletico Madrid yo muri Esipanye izahura na Liverpool yo mu Bwongereza
• Chelsea yo mu Bwongereza izahura na Bayern Munich yo mu Budage
• Lyon yo mu Bufaransa izahura na Juventus yo mu Butaliyani
• Tottenham yo mu Bwongereza izahura na RB Leipzig yo mu Budage
• Napoli yo mu Butaliyani na Barcelona yo muri Esipanye

Ikipe ya Liverpool ifite igikombe giheruka izahura na Atletico Madrid
Ikipe ya Liverpool ifite igikombe giheruka izahura na Atletico Madrid

Imikino ya Atletico Madrid na Liverpool ifite igikombe giheruka, ndetse n’iya Real Madrid ifite ibikombe 13 bya Champions League na Manchester City itozwa na PEP Guardiola ni imwe mu mikino ikomeye itegerejwe na benshi muri iki cyiciro cy’irushanwa rya UEFA Champions League.

Imikino ibanza izaba ku matariki ya 18, 19, 25 na 26 Gashyantare umwaka utaha , mu gihe imikino yo kwishyura izaba ku matariki ya 10, 11, 17 na 18 Werurwe 2020.

Abakinnyi ba Liverpool ubwo bishimiraga igikombe bari bamaze gutsindira
Abakinnyi ba Liverpool ubwo bishimiraga igikombe bari bamaze gutsindira

Ikipe ya Liverpool ni yo yegukanye igikombe cy’umwaka wa 2018/2019 itsinze Tottenham ku mukino wa nyuma ibitego 2-0.

Umukino wa nyuma w’irushanwa ry’uyu mwaka wa 2019/2020 uzaba tariki ya 30 Gicurasi 2020, kuri Ataturk Olympic Stadium‎ iherereye muri Turkiya.

MENYA UMWANDITSI

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka