Arsenal imaze guhura na AC Milan inshuro ebyiri muri aya marushanwa ; muri 2007 na 2008. Icyo gihe Arsenal niyo yakomeje nyuma yo gutsindira AC Milan ibitego 2-0 ku kibuga cyayo ku mukino wo kwishyura. Umukino ubanza wari warangiye ari 0-0 mu Butaliyani.

Amakipe yo mu Bwongereza abiri asigaye yatomboye amakipe yo mu Butaliyani kuko Chelsea yatomboye Napoli.

Muri iyi tombola ikipe ntiyemerewe gutombora iyo bikomoka mu gihugu kimwe cyangwa ngo itombore iyo byari mu itsinda rimwe.

Dore urutonde rw’uko amakipe azahura muri kimwe cya munani

Lyon vs APOEL

Napoli vs Chelsea

AC Milan vs Arsenal

FC Basle vs Bayern Munich

Bayer Leverkusen vs Barcelona

CSKA Moscow vs Real Madrid

Zenit St Petersburg vs Benfica

Marseille vs Inter Milan

Amakipe yabaye aya kabiri mu itsinda niyo azakira umukino wa mbere tariki ya 14 na 15 Gashyantare 2012 andi akine uyu mukino wa mbere tariki ya 21 na 22 Gashyantare 2012.

Imikino yo kwishyura yo izaba tariki ya 06 na 07 Werurwe 2012 indi ibe tariki ya 13 na 14 Werurwe 2012.

Jean Baptiste Micomyiza