Real Madrid yabonye ibitego byayo ibikesha ba rutahizamu bayo barimo Cristiano Ronaldo, Karim Benzema ndetse na myugariro wayo Pepe. Kuri ubu ikipe ya Barcelona n’ubwo ikiri iya mbere yokejwe igitutu n’ikipe ya Real Madrid iri ku mwanya wa 3 kuko iyirusha inota 1 gusa.

Barcelone ni iya mbere n’amanota 22 ikazigama ibitego 22, ikipe ya Seville igakurikiraho n’amanota 22 n’ibitego 8 izigamye naho Real Madrid ikaza ku mwanya wa 3 n’amanota 21 izigamye ibitego 23.

Muri Shampiyona y’Ubwongereza ikipe ya Manchester United byayisabye iminota y’inyongera kugira ngo yishyure igitego yari yatsinzwe na Chelsea ku kibuga cya Old Trafford.

Umukinnyi Didier Yves Tebire Drogba ni we watsindiye Chelsea igitego ku munota wa 53. Umukino wenda kurangira ku munota wa nyuma w’inyongera, Manchester United ibifashijwemo na rutahizamu Robin Van Persie nibwo yishyuye igitego yari yatsinzwe na Chelsea.

Ku ruhande rwa Chelsea umukinnyi Branislav Ivanovich yahawe ikarita itukura ndetse hanaboneka amakarita 5 y’umuhondo mu gihe ku ruhande rwa Man-u habonetse amakarita 3 y’umuhondo gusa.

Mu yindi mikino mu Bwongereza, ikipe ya Arsenal yatsinze Sunderland 2-0, Liverpool inganya na Hull city 0-0, mu gihe Manchester City yo yatsinzwe na West Ham 2-1.

Kuri ubu ikipe ya Chelsea niyo iyoboye urutonde n’amanota 23, ku mwanya wa kabiri haza Southampton n ‘amanota 19, Man-City iya 3 n’amanota 17, Arsenal iya 5 n’amanota 14 naho Liverpool ikaba ari iya 7 n’amanota 14, mu gihe Man-u iza ku mwanya wa 8 n’amanota 13.

Safari Viateur