Mu mukino wo kwishyura wabaye tariki 30/04/2013, Real Madrid yatsinze ibitego 2-0 mukeba wayo. Ibyo byatumye mu mikino yombi biba ibitego 4 kuri 3 bya Real Madrid nuko urugendo rwayo rurangirira muri ½ cy’irangiza.

Ikipe ya Dortmund yigaragaje nk’ikipe ikomeye muri iri rushanwa izahura n’ikipe iri burokoke hagati ya Bayern Munich bikomoka mu gihugu kimwe cy’Ubudage n’ikipe ya FC Barcelone yo muri Espagne.

Bitewe n’imikinire amakipe yo mu Budage yerekanye muri iri rushanwa, ikipe ya Bayern Munich yanatsinze Barcelone ibitego 4-0 mu mukino ubanza, ikaba ihabwa amahirwe menshi n’abafana yo kuzahura na Dortmund bikomoka mu gihugu kimwe nk’uko bamwe mu bafana babivuga.

Umukino wa FC Barcelone na Bayern Munich ukaba uza kuba kuri uyu wa 1 Gicurasi 2013 ku isaha saa mbiri na mirongo ine n’itanu z’ijoro.

Safari Viateur