KT TV
Rayon Sports yasinyishije rutahizamu watwaye Asia Champions League Two
Kuri iki Cyumweru, ikipe ya Rayon Sports yatangaje ko yasinyishije rutahizamu Junior Kameni ukomoka muri Cameroon watwaye igikombe cy’irushanwa rya kabiri rikomeye ku mugabane wa Asia, wakiniraga Khor Fakkan yo muri Leta Zunze Ubumwe z’Abarabu nk’umukinnyi wayo mushya.
Junior Kameni w’imyaka 25 y’amavuko yakiniye amakipe atandukanye arimo Union Touarga na FUS Rabat zo muri Maroc, Næstved BK yo muri Denmark, FC Kaisar yo muri Kazakhstan, Sharjah FC na Khor Fakkan FC zose muri Leta Zunze Ubumwe z’Abarabu.
Uyu mukinnyi mu mwaka w’imikino 2024-2025 yari ku ntebe y’abasimbura mu mukino wa nyuma Asia Champions League Two ubwo ikipe ya Sharjah FC yakiniraga yatwaraga igikombe itsindiye Lion City Sailors ku mukino wa nyuma ibitego 2-1.
Rayon Sports ikomeje imyitozo yitegura umwaka w’imikino 2026-2027 uzabanzirizwa n’ibirori bya #RayonDay2026 biteganyijwe tariki 18 Nyakanga 2026, Saa Kumi n’Ebyiri z’umugoroba kuri Kigali Pele Stadium aho iyi kipe izanakina umukino wa gicuti na GorMahia yo muri Kenya.
Kwinjira muri ibi birori ni ibihumbi 5000 Ftw ahasigaye hose, ibihumbi 10,000 Frw ahatwikiriye, ibihumbi 50,000 Frw muri VIP ndetse n’ibihumbi 100,0000 Frw muri VVIP.
National Football League
Ibitekerezo
Ohereza igitekerezo
|
|
