Rayon Sports WFC yagiye gukina uyu mukino w’umunsi wa 18 utarabereye igihe wabereye kuri Stade yo mu Nzove aho isanzwe ikinira,
ibizi neza ko mu gihe yawutsinda ihita itwara shampiyona ku nshuro ya kabiri yikurikiranya nyuma yo kuyitwara 2023-2024 kuko yari ifite amanota 50 mu mukino 19 yari imaze gukina.

Ibi iyi kipe itozwa na Rwaka Claude ni na byo yakoze maze itsinda Inyemera WFC ibitego 2-1 yuzuza amanota 53 mu mikino 20 byahise bivuga ko mu mikino ibiri isigaye ngo shampiyona 2024-2025 irangire bidashoboka ko Indahangarwa WFC ifite amanota 44 mu mikino 20 ku mwanya wa kabiri yazageza ayo manota nubwo yatsinda imikino ibiri isigaye ngo shampiyona irangire Rayon Sports WFC ikayitsindwa.

Rayon Sports WFC yari yarigeze kubaho ariko igasenyuka, yongeye kugarurwa mu mwaka w’imikino wa 2022-2023 ubwo Uwayezu Jean Fidèle yayoboraga Umuryango wa Rayon Sports, ihita inatwara shampiyona y’icyiciro cya kabiri aho yahereye, izamuka mu cyiciro cya mbere mu 2023-2024 itwara shampiyona n’Igikombe cy’Amahoro 2024.