Rayon Sports na AS Kigali zatakaje, APR FC itsindira i Rusizi

Yanditswe na

Sammy Imanishimwe

7-05-2022 - 17:56' | Ibitekerezo ( 1 )

Mu mikino y’umunsi wa 26 wa shampiyona yabaye kuri uyu wa Gatandatu, APR FC ni yo kipe yonyine yabashije kubona amanota atatu mu gihe indi mikino habayemo kunganya

Ku manywa y’ihangu, Rayon Sports yanganyije na Gicumbi

Ni umukino watangiye Saa Sita n’igice z’amanywa, umukino utitabiriwe cyane ugereranyije n’imikino Rayon Sports isanzwe ikina.

Ni umukino warangiye amakipe yombi anganya ibitego 2-2, aho ibya Rayon Sports byose byatsinzwe na Essomba Willy Léandre Onana harimo kimwe cya Penaliti, mu gihe ibya Gicumbi byatsinzwe na Malanda Destin.

I Rusizi, APR FC yahakuye amanota atatu ihatsindiye Espoir FC

Ni umukino ikipe ya APR FC yari yabanjemo abakinnyi biganjemo abadasanzwe babanza mu kibuga, birangira itsinze ibitego 3-2. Ibitego bya APR FC byatsinzwe na Nizeyimana Djuma, ibindi bibiri bitsindwa na Nshuti Innocent.

Indi mikino yabaye kuri uyu wa Gatandatu, Etincelles yatsindiye Musanze igitego 1-0, mu gihe i Huye kuri Stade Kamena Mukura yanganyije na AS Kigali ibitego 2-2.