Ibi byabaye nyuma ya tombola y’ijonjora ry’ibanze ry’imikino Nyafurika 2025-2026 yabereye muri Tanzania. Rayon Sports yabaye iya kabiri muri shampiyona 2024-2025, yari mu gakangara ka kabiri hamwe n’amakipe atandukanye, tombola yagaragaje ko izahura na Singida Black Stars yo yabaye iya kane muri shampiyona ya Tanzania.

Rayon Sports niyo izakira umukino ubanza
w’iri jonjora ry’ibanze uzakinwa hagati y’itariki 19-21 Nzeri naho uwo kwishyura ubera muri Tanzania hagati y’itariki 26-28 Nzeri 2025 mu gihe amakipe azagera mu ijonjora rya kabiri, azarikina hagati y’itariki 17-19 Ukwakira 2025 akina imikino ibanza, naho iyo kwishyura ikinwe tariki hagati ya 24-26 Ukwakira.