Nyuma yo gutsinda Aston Villa, Arsenal yahise irusha Manchester City inota rimwe. Insinzi yayo yayibonye iyikesha abakinnyi bayo muri rusange bamaze igihe bahagaze neza ndetse na Jack Wilshere afatanije na Olivier Giroud.

Ibitego byatsinzwe byikurikiranya ku munota wa 34 n’uwa 35. Igitego cya Aston Villa cyatsinzwe na Christian Benteke ku munota wa 76.

Muri iyi week end ikipe zikomeye mu Bwongereza nka Chelsea, Liverpool, Manchester City, Manchester United , Everton na Tottenham nazo zabonye insinzi. Chelsea yatsinze Hull City ibitego 2-0, Liverpool itsinda Stoke City 5-3, Manchester United itsinda Swanse 2-0, Manchester City itsinda Newcastle 2-0, Everton itsinda Norwich 2-0 ndetse na Tottenham itsinda Crystal Palace 2-0.

Nyuma y’umunsi wa 21 wa shampiyona, Arsenal iri ku mwanya wa mbere n’amanota 48, Manchester City ku mwanya wa 2 n’amanota 47, Chelsea ku mwanya wa 3 n’amanota 46, Liverpool ku mwanya wa 4 n’amanota 43, Everton kuwa 5 n’amanota 41, Tottenham Hotspur kuwa 6 n’amanota 40 naho Manchester United iza ku mwanya wa 7 n’amanota 37.

Safari Viateur