Mu ijoro ryo kuri uyu wa Kabiri, ni bwo ikipe ya AS Kigali yemeje ko yamaze gutandukana na Masudi Djuma wari umutoza mukuru wayo kuva tariki 19/10/2018, akaba asezerewe azira umusaruro mubi no kutumvikana n’abo bakorana.

Masudi Djuma wafashe umwanya wo gusezera abakinnyi n’abo bakoranaga muri AS Kigali, yari yaraje muri iyi kipe avuye muri Simba aho naho yari yasezerewe, akaba na yo yarayigiyemo amaze gutandukana n’ikipe ya Rayon Sports.