Urutonde iki kinyamakuru cyashyize ahagaragara, rwerekana ko Manchester United ubu ifite akayabo ka miliyari 2,2 z’ama Euro, ikurikiwe na Real Madrid yo muri Espagne ifite akayabo ka Miliyari 1,8 , ku mwanya wa gatatu hari FC Barcelone ifite Miliyari 1,3 z’ama Euro.

Arsenal nayo yo mu Bwongereza iri ku mwanya wa kane, Bayern Munich yo mu Budage ikaza ku mwanya wa gatanu. AC Milan yo mu Butaliyani iri ku mwanya wa gatandatu, Chelsea yo mu Bwongereza ikaza ku mwanya wa karindwi.

Indi kipe yo mu Bwongereza iza mu makipe 10 ya mbere mu mutungo ni Liverpool iri ku mwanya wa munani, Juventus yo mu Butaliyani ikaza ku mwanya wa cyenda naho Cshalke 04 yo mu Budage ikaza ku mwanya wa 10.

Nubwo ikipe ya Machester City izwiho kuba ihemba amafaranga menshi ndetse ikanagura abakinnyi bahenze, ntabwo igaragara mu makipe 10 ahubwo yo iri ku mwanya wa 13.

Uru rutonde rwashyizwe ahagaragara n’iki kinyamakuru cyo muri Amerika, rugaragaza ko amakipe yo mu Bwongereza afite ubutunzi kurunda amakipe yo bindi bihugu, kuko mu makipe 10 ya mbere akize ku isi hagaragaramo amakipe ane yo mu Bwongereza, abiri yo muri Espagne, abiri yo mu Butaliyani n’abiri yo mu Budage.

Dore urutonde rw’amakipe 20 akize kurusha ayandi ku isi n’akayabo k’ama Euro yibitseho:

1. Manchester United ifite Miliyari 2,235 z’ama Euro

2. Real Madrid ifite Miliyari 1,877 z’ama Euro

3. FC Barcelone ifite Miliyari 1,307 z’ama Euro

4. Arsenal ifite 1,292 z’ama Euro

5. Bayern Munich ifite 1,235 z’ama Euros

6. AC Milan ifite Miliyoni 989 z’ama Euro

7. Chelsea ifite Miliyoni 761 z’ama Euro

8. Liverpool ifite Miliyoni 619 z’ama Euro

9. Juventus ifite Miliyoni 591 z’ama Euro

10. Schalke 04 ifite Miliyoni 587 z’ama Euro

11. Tottenham ifite Miliyoni 564 z’ama Euro

12. Inter Milan ifite Miliyoni 490 z’ama Euro

13. Manchester City ifite Miliyoni 443 z’ama Euro

14. Borussia Dortmund ifite Miliyoni 394 z’ama Euro

15. Olympique Lyonnais ifite Miliyoni 385 z’ama Euro

16. Hambourg SV ifite Miliyoni 355 z’ama Euro

17. AS Rome ifite Miliyoni 354 z’ama Euro

18. Olympique de Marseille ifite Miliyoni 349 z’ama Euro

19. Valence ifite Miliyoni 288 z’ama Euro

20. Naples ifite Miliyoni 283 z’ama Euro

Theoneste Nisingizwe