Nyuma yo gusinyira ikipe ya Rayon Sports akabanza guhita ajya I Burundi, Kwizera Pierrot ukina mu kibuga hagati yatangiye imyitozo hamwe na bagenzi be bari gutegura umukino iyi kipe ifitanye na Mukura VS kuri uyu wa Gatandatu kuri Stade Huye.

Kwizera Pierrot yiyongereye ku bakinnyi bashya iyi kipe iheruka gusinyisha bo bakaba baratanatangiye imyitozo, abo ni Musa Esenu, Bukuru Christophe, Ishimwe Kevin ndetse na Mael Dindjeke, bose bakaba baranagaragaye mu mikino ya gicuti iyi kipe iheruka gukina.