Umutoza wa Rayon Sports Ivan Jacky Minnaert, aratangaza ko ikipe ya Rayon Sports yiteguye gutsinda Costa do Sol mu mukino ubanza uza kubera i Nyamirambo, nk’uko yabitangarije abanyamakuru mu kiganiro kibanziriza uyu mukino

Ati "Intego yanjye ndetse n’iy’abakinnyi ni ugutsinda, imyitozo tumaze iminsi dukora turizera ko igomba kudufasha muri uyu mukino, uko twitwaye kuri Mamelodi siko benshi babikekaga, no kuri uyu mukino twiteguye kwitwara neza"

Kuri Ndayishimiye Eric Bakame kapiteni w’iyi kipe, ngo ni mahirwe aza rimwe, biteguye kutayapfusha ubusa

" Aya ni andi mahirwe tubonye nyuma ya Mamelodi, ni amahirwe aza gake mu buzima, tuzi ko nitumaramuka dutsinze uyu mukino bizahindura amateka y’umupira w’amaguru, twarebye iriya kipe uko ikina, turumva dufite icyizere cyo kuyisezerera"

Uyu mukino uraza gutangira Saa kumi n’ebyiri z’umugoroba, kwinjira bikaba ari 2000, 5000, 10000 ndetse na 20,000, aho imiryango ya Stade ifinguye kuva Saa Saba z’amanywa.

Andi mafoto yaranze imyitozo ya Rayon Sports ku matara i Nyamirambo