Kiyovu yihereranye Mukura, Intare zitungura Bugesera mu gikombe cy’Amahoro

Yanditswe na

Sammy Imanishimwe

12-06-2019 - 20:34' | Ibitekerezo ( 1 )

Mu mikino ya 1/8 ibanza mu gikombe cy’Amahoro, ikipe ya Mukura yatsindiwe iwayo, naho Intare zitsindira Bugesera kuri Stade ya Kigali i Nyamirambo

Kuri uyu wa Gatatu ni bwo hasubukuwe imikino y’igikombe cy’Amahoro 2019, aho habayemo gutungurana ku bibuga bitandukanye.

Kuri Stade ya Kigali i Nyamirambo, Intare Fc isanzwe ibarizwa mu cyiciro cya kabiri, yiereranye Bugesera iyitsinda ibitego 2-1, aho Intare zabitsinze mu gice cya mbere, Bugesera iza kubona igitego kimwe ku munota wa 90 w’umukino.

Kuri Stade Huye, ikipe ya Kiyovu yahasanze Mukura iyihatsindira ibitego 3-1, ibitego byatsinzwe na Nizeyimana Jean Claude, Nizeyimana Djuma ndetse na Rwabuhihi Placide, mu gihe Mukura yatsindiwe na Ciiza Hussein.

Uko imikino yagenze uyu munsi

Intare 2-1 Bugesera
Etoile de l’Est 1-2 Police Fc
Espoir Fc 0-0 Gicumbi Fc
Mukura 1-3 Kiyovu

Kuri uyu wa kane tariki 13/06/2019

APR FC vs As Kigali
Marines vs Rayon Sports
Gasogi vs Rwamagana
Hope FC vs Etincelles FC