Uyu mukino wabereye kuri Stade Mumena i Nyamirambo, wagiye kuba benshi bibaza niba Kiyovu ikuraho amateka y’imyaka 12 imaze idatsinda APR.

Kiyovu yaje kwegukana intsinzi y’igitego kimwe ku busa aho amakipe yombi yari yatangiye igice cya mbere nta bintu bikomeye yagaragazaga.

Ku munota wa 32 Kiyovu yaje kwiba umugono APR itsinda igitego cya mbere ku burangare bw’umuzamu Kimenyi Yves. Iki gitego cyatsinzwe na Moustapha Francis igice kirangira Kiyovu iyoboye nigitego 1-0.

Mu gice cya kabiri APR yaje mu isura nshya, igerageza gusatira izamu rya \kiyovu, ariko ntibyayihira, iminota 90 irangira ntagihindunze.

Ababanjemo ba APR

Kimenyi Yves, Fitina Ombalenga , Rukundo Denis, Rugwiro Herve, Buregeya Pacifique,Nshimiyimana Imran, Bizimana Djihad, Sekamana Maxime, Martin Twizerimana, Nshuti Innocent na Issa Bigirimana

Ababanjemo ba Kiyovu

Ndori Jean Claude, Uwihoreye Jean Paul, Ahoyikuye Jean Paul, Ally Hassan, Mbogo Ally, Mugheni Fabrice, Habamahoro Vincent, Djuma Nizeyimana, Vino Ramadhan, Nizeyimana Jean Claude na Mustapha Francis.

Nyuma yo gutsinda Kiyovu yazamutse gato kuko yari ifite amanota atatu, ikaba inganya n’amakipe yari ari ku mwanya wa kabiri ariyo Police Fc, Amagaju na Gicumbi zari zifite 6 mu gihe APR n’ubwo yatsinzwe ikiza ku isonga n’amanota 7.

Dore indi mikino y’umunsi wa kane wa shampiyona uko iteganyijwe:

Ku wa gatanu tariki ya 27 Ukwakira 2017

Kiyovu 1-0 APR

Ku wa gatandatu tariki ya 28 Ukwakira 2017

Rayon Sports Fc vs Kirehe Fc (Stade de Kigali, 15h30)

Amagaju Fc vs Mukura VS (Nyagisenyi, 15h30)

Marines Fc vs Espoir Fc (Stade Umuganda, 15h30)

Sunrise Fc vs Etincelles Fc (Nyagatare 15h30)

Ku cyumweru Tariki ya 29 Ukwakira 2017

Musanze Fc vs Police Fc (Stade Ubworoherane, 15h30)

Miroplast Fc vs Bugesera Fc (Stade Mironko, 15h30)

AS Kigali vs Gicumbi Fc (Stade de Kigali,15h30)