Mu mukino wa Shampiona wabereye kuri Stade ya Kigali i Nyamirambo, APR yanganyije na Gicumbi 0-0.

Nyuma y’uyu mukino, umutoza Jimmy Mulisa yagaragaje ko ababajwe cyane n’imyitwarire y’abakinnyi be hanze y’ikibuga, binagira ingaruka mbi ku musaruro wo mu kibuga.

"Hari igihe umutoza adakinisha abakinnyi bamwe bakumva ko ari we kibazo, ariko se nzaba umutoza njye no gucunga ko abakinnyi baryamye? Menye aho basohokera, mbishoboye nabikora"

Jimmy Mukisa yasimbuje Iranzi Jean Claude na Muhadjili igice cya mbere kikirangira, atangaza ko iyo bishoboka yari gusimbuza n’abandi benshi.

"Abakinnyi bacu bagomba kuba abanyamwuga bakamenya uko bategura umukino, mu bakinnyi 10 bari mu kibuga wasangaga bane bari kwitemberera ngira ngo mwabibonye, iyo bishoboka nari gusimbuza benshi"

Jimmy Mulisa yatangaje kandi ko hashobora kuzagaragara impinduka mu bakinnyi mu mikino y Shampiona iri imbere