Isoza ry’igura ry’abakinnyi I Burayi risize Salomon Kalou, Kagawa, Welbeck na Falcao bahinduye amakipe

3-09-2014 - 11:50' | Ibitekerezo ( )

Mu ntangiriro z’iki cyumweru, umukinnyi w’umunya Côte d’Ivoire, Salomon Kalou w’imyaka 29, wakiniye Chelsea akitwara neza akayivamo ajya muri Lille mu Bufaransa wanayitsindiye ibitego 30 mu mikino 67 yayikiniye, yavuye muri iyi kipe yerekeza muri Hertha Berlin yo mu Budage azakinira imyaka 3.

Uyu mukinnyi yafatwaga nk’umukinnyi mwiza yaba mu ikipe y’igihugu ya Côte d’Ivoire, mu ikipe ya Chelsea yakiniye ndetse na Lille yakiniraga. Kalou, avuga ibyo kujya gukina mu Budage, yavuze ko nyuma y’igihe yakinnye muri Premier league akinira Chelsea, n’icyo yakinnye mu Bufaransa akinira Lille bihagije kuba yiteguye kwitwara neza muri Bundesliga, mu ikipe ya Hertha Berlin.

Aha ni Tariki ya 31/08/2014 ubwo Kalou yakirwaga muri Hertha Berlin.

Uretse Salomon Kalou, umukinnyi Shinji Kagawa w’Umuyapani wakiniraga Manchester United, akaba yari umukinnyi ukina hagati, nawe yerekeje mu ikipe ya Borrussia Dortmund yo mu Budage ku mafaranga miliyoni 8 z’ama Euro. Uyu mukinnyi n’ubundi yakinnye muri Borrussia muri 2011 na 2012 mbere yo kuza I Manchester akaba asubiye aho yahoze.

Umukinnyi Kagawa abisikanye na Radamel Falcao yatijijwe na Monaco akazayikinira umwaka umwe gusa, nyuma yo kugurisha Kagawa muri Dortmund na Welbeck muri Arsenal.

Falcao yatijwe muri Manchester United igihe cy'umwaka.

Uyu mukinnyi Monaco imutije Manchester umwaka umwe gusa ariko ikaba yarahaye Monaco Miliyoni 10 z’ama Euros, hakaba n’andi makuru avuga ko biteganijwe ko Falcao yazagurwa na Manchester Miliyoni 55 nyuma yo kubona uko azitwara, nk’uko ikinyamakuru France football kibigaragaza.

Uyu mukinnyi yaguzwe na Monaco muri Atletico Madrid muri 2013 ku mafaranga miliyoni 60 z’ama Euros.

Kuri ubu Manchester United ifite abakinnyi bakomeye nka Falcao na Di Maria itegerejeho ko bayikura mu bihe bibi irimo bafatanije na Van Persie n’abandi.

Di Maria melcato imusize mu ikipe ya Manchester United.

Manchester United yagurishije Daniel Welbeck muri Arsenal aho bimwe mu binyamakuru bivuga ko yagurishijwe miliyoni 16 z’ama Livres yo mu Bwongereza ni ukuvuga miliyoni 20,2 z’ama Euros.

Safari Viateur