Muri ayo masomo atangwa n’izo mpuguke, buri kipe yose yo mu cyiciro cya mbere, icya kabiri ndetse n’amakipe y’abagore, ihagarariwe n’ushinzwe ubuzima bwa buri munsi bw’ikipe (Team Manager), akazaba ari we uzajya kwigisha abandi bashinzwe amakipe iby’iryo koranabuhanga.

Uretse kwigisha ikoranabuhanga, izo mpuguke ziturutse muri FIFA zanazanye ibyo bikoresho bizajya bikoreshwa, Ishyirahamwe ry’umupira w’amaguru mu Rwanda rikaba ryarabiguze mu rwego rwo kunoza neza ibijyanye no kugura, kugurisha abakinnyi ndetse no gutanga ibyangombwa.

Ushinzwe amarushanwa muri FERWAFA, Boniface Nsabimana, yadutangarije ko iryo koranabuhanga niritangira gukoreshwa n’amakipe yose mu Rwanda, bizaca amanyanga akorwa na bamwe mu bakinnyi bakunze kuva mu makipe batarangije amasezerano, bagahindura amazina kugirango babashe gukina mu yandi mashampiyona yo mu bindi bihugu.

Iryo koranabuhanga rizatangira muri shampiyona itaha ya 2013/2014 ngo rizanafasha gushyingura inyandiko ku buryo bworoshye, amakuru ajyanye n’abakinnyi akazajya abonekera hafi.

Theoneste Nisingizwe