Ni umukino uri butangize icyiswe ‘Inkera y’Abazi’ yateguwe na APR FC izaba igizwe n’imikino itandukanye ya gicuti, izahuza amakipe yo mu Rwanda, Tanzania ndetse na Uganda.

Mu makipe azitabira iri rushanwa, harimo APR yariteguye, AS Kigali na Police zo mu Rwanda, Power Dynamos, Azam FC yo muri Tanzania na Vipers yo muri Uganda.

Ikipe ya APR FC imaze iminsi ikina imikino ya gicuti itandukanye hano imbere mu gihugu, yitegura shampiyona y’umwaka utaha ndetse n’imikino ya CAF Champions League.