Kuri iki cyumweru taliki ya 13/09/2015,ikipe ya Rayon Sports yakinnye umukino wa gicuti n’ikipe y’i Bukavu muri Republika iharanira demokarasi ya Congo yitwa Ibanda Sport,umukino waje kurangira amakipe yombi anganije igitego 1-1.

David Donadei,umutoza mushya wa Rayon Sports

Iyi kipe ya Ibanda Sport niyo yaje gufungura amazamu mu minotra ya nyuma y’igice cya mbere,ndetse icyo gice cya mbere kiza kurangira ari cyo gitego kimwe cya Ibanda Sport ku busa bwa Rayon Sports.

Ibanda Sport yizaniye "TWEGERANE" yayo

Mu gice cya kabiri ikipe ya rayon Sports yasaga iri kugerageza abakinnyi izajya ibanzamo mu mwaka w’imikino wa 2015/2016,yakomeje kugenda ikora impinduka,aho yagiye yinjizamo abakinnyi nka Manishimwe Djabel,Ishimwe Kevin,n’abandi.

Manishimwe Djabel wagiyemo akigaragaza

Ahagana ku munota wa 60,nibwo Djabel wagiyemo asimbura Nshuti Savio Dominique yaje guha umupira umukinnyi mushya Rayon Sports Davies Kasilye,maze nawe ahita arekura ishoti y’imoso maze umunyezamu wa Ibanda Sport ntiyamenya aho umupira uciye.

Davies Kasilye amaze gutsinda igitego cyo kwishyura

Iyi kipe ya Rayon Sports kandi yari yamaze kubona umutoza mushya ukomoka mu gihugu cy’u Bufaransa witwa David Donadei,umutoza wakurikiranye umukino yicaye ahagenewe abafana,ariko mu gice cya kabiri akaza kwicara ku ntebe y’abatoza,aho yageragezaga kunganira Sosthene Habimana watozaga Rayon Sport by’agateganyo.

Andi mafoto

Izo nizo nkweto yari yiyambariye,gusa isano zifitanye n’uko zimukwira

Davies Kasilye wigaragaje kuri uyu mukino

Abafana ba Rayon Sports nk’ibisanzwe baba ari benshi

David Donadei,yageze jo ajya kunganira Sosthene

Aramuha inama...

Umusifuzi yabanje kwanga ko uyu mutoza yicara aha

Sammy IMANISHIMWE