Ikipe ya Mukura Victory Sports imaze gusinyisha abakinnyi 2 bakomoka mu Burundi

Yanditswe na

Nsengumukiza Prudence

21-09-2018 - 15:49' | Ibitekerezo ( )

Ikipe ya Mukura Victory Sports et Loisirs mu rwego rwo kwitegura imikino Nyafurika n’umwaka utaha w’imikino muri rusange yamaze kugura abakinnyi 2 b’Abarundi aribo Andre Kotoko na Ismael Wilonja.

Umuzamu Wilonja Ismael wakiniraga Flambeau de l'Est.

Aba bakinnyi 2 Wilonja Isamel wakiniraga Flambeau de l’Est y’i Burundi asanzwe ari Umuzamu naho Andre Kotoko we usanzwe akina ataha izamu yakiniraga Athletico nayo y’ i Burundi.

Aba bakinnyi bombi basinye amasezerano y’imyaka 2 baje biyongera kubandi bashya ikipe yaguze barimo .
Munezero Dieudonne na Ndizeye Innocent bombi bakiniraga Amagaju FC ndetse n’uwari kapiteni w’ikipe ya Musanze FC Munyakazi Yussuf Lule.

Uretse aba bakinnyi bashya, Mukura Victory Sports yatangaje ko kandi yongereye amasezerano mashya y’imyaka ibiri ba myugariro Twagirayezu Fabien na Rugirayabo Hassan.