Kuri uyu wa kabiri guhera Saa kumi n’ebyiri zuzuye z’umugoroba, ikipe ya Rayon Sports izaba ikina umukino wayo w’umunsi wa kane wa shampiyona, aho izaba yakiriye ikipe ya Bugesera.

Uyu mukino wari wabanje guteza impaka aho ikipe ya Bugesera yavugaga ko itazemera gukina nijoro, aha Ferwafa nayo yameyesheje Bugesera ko nidakina ayo masaha izaterwa mpaga, ariko biza kurangira impande zose zirebwa n’ikibazo zumvikanye umukino ushyirwa Saa kumi n’ebyiri z’umugoroba.

Kwinjira muri uyu muino ahasigaye hose ni 2,000 Frws, ahatwikiriye azaba ari 5,000 Frws, mu myanya y’icyubahiro (VIP) ni 15,000 Frws, naho muri VVIP kwinjira bizaba ari amafaranga ibihumbi 30 Frws.

Kugeza ubu ikipe ya Rayon Sports iri ku mwanya wa gatatu ku rutonde rwa shampiyona n’amanota arindwi, naho Bugesera ikaba ku mwanya wa 10 n’amanota ane mu mikino itatu amakipe yombi amaze gukina.