Gasogi yanganyije na Musanze mu mukino w’umunsi wa cyenda

Yanditswe na

Isaac Kuradusenge

21-11-2019 - 21:03' | Ibitekerezo ( )

Kuri uyu wa kane tariki ya 21 Ugushyingo 2019, hatangiye umunsi wa cyenda wa shampiyona y’umupira w’amaguru mu Rwanda, ikipe ya Gasogi United yakiriye Musanze FC kuri sitade ya Kigali i Nyamirambo, zihanganyiriza igitego kimwe kuri kimwe.

Ibitego bya Imurora Japhet wa Musanze bakunda kwita Drogba ku munota wa 15, na Tidiane Kone wa Gasogi United ku munota wa 35 ni byo byatandukanyije impando zombi.

11 ba Gasogi United babanje mu kibuga:

Cyuzuzo Aime Gael (GK) , Kazindu Bahati Guy, Kwizera Aimable, Dusabe Claude, Kaneza Augustin, Herron scalarla, Rugamba Jean Baptiste, Ndekwe Felix, Kayitaba Jean Bosco, Tidiane Kone, Manase Mutatu Mbedu.

11 ba Musanze FC babanje mu kibuga ni:

Muhawenayo Gadi (GK), Habyarimana Eugene, Dushimumugenzi Jean, Muhire Anicet, Mwiseneza Jean, Muhoza Tresor, Maombi Jean Pierre, Ally Moussa, Nshimiyimana Clement, Mugenzi Cedrick na Imurora Japhet.

Ni umukino waranzwe no gusatira ku mpande zombie, aho Musanze yatanze Gasogi United kwinjira mu mu mukino iza no kubyaza amahirwe uburyo bwabontse ibona igitego ku munota wa 15 w’igice cya mbere.

Gasogi United yarwanye no kwishyura iki gitego cyayishyize ku gitutu, iza kubona igitego cyo kwishyura ku munota wa 35, ku kazi kari gakozwe na Kayitaba Bosco maze Umunyamali Tidiane Kone atsinda igitego.

Amakipe yarangije igice cya mbere anganya igitego kimwe. Igice cya kabiri cyaranzwe no gusatira ku mpande zombie, aho Musanze yateye mo umutambiko w’izamu ku ishoti rya Moussa Ally Sova.

Gasogi yigaragaje muri iki gice, aho Muganza Isaac yahushije uburyo bubiri bwari bwabazwe, umukino urangira amakipe yombi agabanye amanota atatu.

Nyuma y’umukino, umutoza wa Musanze Niyongabo Amars yavuze ko ari umukio bashakagamo amanota atatu, ariko bakaba babuze amahirwe yo kubona ayo manota.

Umutoza wa Gasogi United, Guy Bukasa, yavuze ko ababaye agira ati “Ndababaye kuko umukino wari mu ruhande rwacu, twabonye amahirwe menshi ariko ntitwayabyaje umusaruro”.

Yakomeje avuga ko abakinnyi be batabyaje umusaruro ibyumweru bibiri byo kuruhuka babonye.

Imikino y’umunsi wa cyenda wa shampiyona

Kuwa kane tariki 21 Ugushyingo

Gasogi United 1-1 Musanze (Stade ya Kigali i Nyamirambo)

Kuwa gatanu tariki 22 Ugushyingo

Sunrise vs Heroes (Nyagatare Stadium)

APR FC vs Espoir FC (stade de Kigali)

Kuwa Gatandatu tariki ya 23 Ugushyingo

As Kigali vs Kiyovu (Stade de Kigali)

Marines vs As Muhanga (Umuganda Stadium)

Ku cyumweru Tariki ya 24 ugushyingo

Gicumbi vs Rayon Sport (Stade de Kigali)