Myugariro w’Umunyarwanda Emery Bayisenge wari umaze umwaka adakina, agiye kwerekeza mu gihugu cya Bangladesh mu ikipe itozwa n’uwahoze amutoza mu ikipe y’igihugu Amavubi.

Iyi kipe agiye kwerekezamo yitwa SAIF Sporting Club ikina mu cyiciro cya mbere, ni ikipe nshya kuko imaze imyaka ibiri gusa ishinzwe, aho yashinzwe mu kwezi kwa 08/2016.

Emery Bayisenge wari umaze iminsi akorera imyitozo mu Rwanda, by’umwihariko aho byavugwaga ko yaba agiye gusubira muri APR FC, yari amaze hafi umwaka atandukanye n’ikipe ya USM Alger, aho umutoza wayo Thierry Froger atigeze amushima.