Amakipe yabonye itike kuwa 11/12/2013 yari Borussia Dortmund na Arsenal mu itsinda F ryari rigizwe n’amakipe 4 ya Napoli, Arsenal, Dortmund na Marseille. Dortmund ya mbere ikaba ifite amanota 12, ikaba iyanganya na Arsenal ariko iyirusha ibitego izigamye.

Naho mu itsinda E ryari rigizwe n’amakipe 4 ya Chelsea, Schalke 04, Steaua Bucaresti na FC Basel hakomeje muri 1/8 , Chelsea ifite amanota 12 na Schalke 04 ifite amanota 10.

Mu itsinda G ryari ririmo Atletico Madrid, FC Porto, Zenit st Petersburg na Austria Vienne hakaba hakomeje Atletico ifite amanota 16 na Zenit ifite amanota 6.

Mu itsinda H ryarimo ikipe ya FC Barcelone, AC Milan, Ajax d’Amsterdam na Celtic hakaba hakomeje FC Barcelone ifite amanota 13 na AC Milan ifite amanota 9. Andi akaba yasigaye.

Naho mu makipe 2 yari ategereje kwitoranyamo imwe izakomeza mu mukino wari wasubitswe kubera urubura hagati Galatasalay na Juventus, ikipe ya Galatasalay niyo yakomeje nyuma yo gutsinda Juventus igitego 1-0 cyatsinzwe na Sneider.

Kugeza ubu, amakipe ya Bayern Munich, Real Madrid , FC Barcelone, Atletico Madrid, Borussia Dortmund, AC Milan, Paris Saint Germain, Chelsea, Arsenal, Manchester City, Manchester united, Galatasalay, Schalke 04, Zenit, Olympiakos na Bayern Leverkusen zikaba ariyo makipe 16 agomba kuzavamo amakipe 8 azerekeza muri ¼ cy’irangiza.

Tombola y’uko aya makipe azahura muri ¼ izaba kuwa 16/12/2013 ku isaha ya saa sita z’amanywa. Icyagaragaye muri aya marushanwa ni uko amakipe yo mu Bwongereza no mu Budage yari mu matsinda nta n’imwe yasezerewe mu itsinda yari irimo.

Safari Viateur