Mu gihe Bayern Munich yatangaga isomo rya ruhago, ku mugoroba wa tariki 23/10/2013, ngenzi yayo Bayern Leverkusen yo yari yagiye muri Ukraine maze ihanyagirira ikipe yaho ya Shaktar Doneski ibitego 4-0.

Mu mikino yabaye ariko kuri uwo munsi, amakipe y’Ubwongereza nayo yahiriwe n’uwo munsi kuko ikipe ya Manchester United yatsindiye ku kibuga cyayo Old Traford ikipe ya Real Sociedad igitego 1-0. Ikipe ya Manchester City yo yari yagiye gutsindira CSKA Moscow ku kibuga cyayo mu Burusiya ibitego 2-1.

Ikipe ya Galatasalay y’umutoza Roberto Manchini yaje gutsinda FC Kbenhavn ibitego 3-1. Benfica Lisbone yanganyije na Olympiakos igitego1-1. Paris Saint Germain yatsindiye hanze Anderlect ibitego 5-0, muri uyu mukino Ibrahimovic yatsinzemo ibitego 4 wenyine.

Real Madrid nayo ku kibuga cyayo Santiago Bernabeau yahatsindiye bigoranye ikipe ya Juventus ibitego 2-1,nyuma yaho Juventus yakinaga ari abakinnyi 10 gusa.

Amakipe nka Manchester United, Real Madrid, Paris Saint Germain, Bayern Munich, Chelsea, Arsenal, Atletico Madrid na FC Barcelone ari ku mwanya wa mbere mu matsinda yayo nyuma y’imikino 3 imaze gukinwa muri buri tsinda.

Abakinnyi nka Ronaldo wa Real Madrid na Ibrahimovic wa Paris Saint Germain nibo bamaze gutsinda ibitego byinshi muri Champions League y’uyu mwaka.

Safari Viateur