Ibifashijwemo na rutahizamu wayo Moussa Sissoko ndetse na Rolando Aorons, Newcastle yabashije gustinda Machester City ibitego 2-0. Manchester City yatsinzwe ifite ba rutahizamu bayo bakomeye nka ba Aguero, Nasri, Fernandinho,Yaya Toure, Navas, Demichelis, Dzeko n’abandi.

Ikipe ya Manchester City yanakoze amakosa menshi ugereranije na Newcastle kuko iyi kipe yahawe amakarita 3 y’umuhondo muri uyu mukino harimo iyahawe Milner, Aguero na Mangala, mu gihe Newcastle yahawe imwe gusa ku mukinnyi Sami Ameobi.

Kuri uyu wa 29/10/2014 kandi Tottenham Hospur yabashije gutsinda Brigton ibitego 2-0. Erik Lamera yafunguye amazamu ku munota wa 54 naho Harry Kane akongeramo ikindi ku munota wa 74. Ikipe ya Stoke City yo yatsindiwe iwayo na Southampton ibitego 3-2.

Ku munsi wabanje, hari habaye indo mikino ibiri aho ikipe ya Chelsea na Liverpool zo zari zakomeje nyuma yo gutsinda amakipe byakinaga.

Chelsea yatsinze Shrewbury Town ibitego 2-1, Liverpool itsinda Swansea ibitego 2-1, Milton Keynes Dons itsindwa na Sheffield United ibitego 2-0, Derby County itsinda Fulham ibitego 5-2 naho AFC Bournemouth itsinda West Bromwich Albion ibitego 2-1.

Gutsinda kw’aya makipe ni nabyo byayahesheje gukatisha itike yo gukomeza muri aya marushanwa muri ¼ .

Muri ¼, ikipe ya Chelsea ikazahura na Derby County, Tottenham ikazahura na Newcastle naho Southampton ikazahura na Sheffield United mu gihe Liverpool izacakirana na Bournemouth.

Safari Viateur