KT TV
Brazil ya Haruna na Young Boys ya Kwizera Olivier zageze muri 1/2 cya "Esperance Football Tournament"
Amakipe ya Brazil igizwe na Haruna Niyonzima na Hakizimana Muhadjili na Young Boys irimo umunyezamu Kwizera Olivier zasanze Golden Generation na Native Sports muri 1/2 cy’irushanwa rya Esperance Football Tournament.
Ibi Aya makipe yabigezeho abicyesha intsinzi yabonye mu mikino ya 1/4 cy’iri rushanwa yakinwe hagati y’itariki 29 Kamena 2025 n’iya 2 Nyakanga 2025. Kuri uyu wa Gatatu, Brazil igizwe n’abakinnyi benshi bakomoka i Rubavu, bayobowe na Haruna Niyonzima yasezereye Spark Victory yari igizwe n’abakinnyi nka Iradukunda Elie Tatou iyitsinze ibitego 2-1.
Ni ibitego byatsinzwe na Haruna Niyonzima kapiteni wa Brazil, iyi kipe kandi itsindirwa igitego cya kabiri na Habima Hussein Desailly mu gihe Iradukunda Elie Tatou ariwe watsinze igitego nimwe rukumbi cya Spark Victory. Brazil inakinamo abakinnyi nka Hakizimana Muhadjili kandi, muri 1/2 izahura na Native Sports yo muri 1/4 yasezereye Start Morning iyitsinze 1-0.
Young Boys ikinamo umunyezamu Kwizera Olivier wagaragarijwe kwishimirwa ku wa Kabiri tariki 1 Nyakanga 2025, ubwo iyi kipe yasezereraga Stella FC kuri penaliti 4-2 nyuma y’uko bari banganyije igitego 1-0. Young Boys muri 1/2 izahahurira na Golden Generation yasezereye Buja City tariki 29 Kamena 2025, iyitsinze ibitego 2-1.
National Football League
Ibitekerezo
Ohereza igitekerezo
|
|
