Ni umukino by’umwihariko ku ruhande rwa Rayon Sports yari ifite abasimbura batanu gusa, nabo harimo abanyezamu babiri, mu gihe Bikorimana Gerard usanzwe ari umunyezamu yari yambaye imyenda y’abakinnyi basanzwe

Ku munota wa munani w’umukino, Musanze yari ifunguye amazamu ku mupira wari kuri uvuye kuri coup-franc, Shyaka Philbert yitsindira n’umutwe maze umunyezamu Mazimpaka André ashiduka inshundura zinyeganyega.

Nyuma yo guhererekanya neza hagati ya Caleb na Rafael da Silva, Bonfils Caleb yaje gukorerwaho ikosa umusifuzi atanga Coup-franc, Caleb yaje guhita ayiterera ku ishoti rikomeye umunyezamu araryama ashiduka cyagezemo, Caleb aba yishyuriye Rayon Sports.

Bukuru Christophe wari winjiye mu kibuga asimbuye Rafael da Silva, yahinduye umupira mu rubuga rw’amahina, maze Niyonzima Olivier Sefu ahita atsindira Rayon Sports igitego cya kabiri ku munota wa 87, umupira ari bibiri bya Rayon Sports kuri kimwe cya Musanze.

Abakinnyi babanje mu kibuga

Musanze FC: Ndayisaba Olivier, Habyarimana Eugene, Dushimumugenzi, François, Shyaka Philbert, Nduwayo Valeur, Gikamba Ismaël, Ramadhan, Mugenzi Cedrick, Barirengako Frank, Kikunda Kabuluta

Rayon Sports: Mazimpaka André; Nyandwi Sadam, Habimana Hussein, Manzi Thierry, Irambona Eric; Donkor Prosper, Mugheni Fabrice, Niyonzima Olivier Sefu; Mudeyi Suleyman, Bimenyimana Bonfils Caleb, Jonathan Rafael da Silva

Uko imikino yabaye uyu munsi yagenze:

Gicumbi 1-0 Etincelles Fc
AS Kigali 3-2 ESPOIR Fc
Kirehe FC 1-1 Sunrise FC
Musanze 1-2 Rayon Sports