Iyo Shampiyona yari igeze ku munsi wa kabiri ariko yasize ikipe ya Sunrise na Etincelles zongeye gutsinda imikino yazo.

Ku wa gatandatu tariki ya 22 Ukwakira 2016 nibwo Rayon Sport yakinnye na Espoir FC i Rusizi umukino urangiza amakipe yombi anganya 0-0.

Mu mikino yabanje Rayon Sports yari yanyagiye Police 3-0, mu mukino ufungura Shampiona naho Espoir FC yo yari yanganyije na Marines 0-0.

Ku cyumweru tariki ya 23 Ukwakira 2016 APR yanganyije na Gicumbi FC, 1-1. Umukino wabereye kuri Stade Regional i Nyamirambo.

APR FC mu mukino ubanza wa Shampiona yari yatsinze naho Gicumbi yo yari yatsinzwe na Etincelles ibitego 3-2.

Mu yindi mikino yabaye Sunrise yatsinze Kirehe iyisanze iwayo 1-0. Mu mukino ubanza Sunrise nabwo yatsinze AS Kigali 1-0.

Etincelles mu mukino ubanza yari yatsinze Gicumbi, yongeye gutsize Mukura 1-0. Ibi byatumye aya makipe akomeza kuyobora urutonde rwa Shampiyona.

Amakipe nka Police FC na AS Kigali yari yatsinzwe mukino wa mbere, yisubiyeho atsinda umukino wayo wa kabiri.

Ku wa gatandatu tariki ya 22 Ukwakira 2016, Police FC yatsinze Bugesera ibitego 2-1, zari zakiniye ku Kicukiro. AS Kigali yanyagiye Marines ibitego 3-0.

Uko amakipe yatsindanye ku mukino wa kabiri wa Shampiyona.

Kuwa gatanu tariki ya 14 ukwakira 2016

AS Kigali 3-0 Marines

Kuwa Gatandatu Tariki ya 1 Ukwakira 2016

Kirehe 0-1 Sunrise Fc

Espoir 0-0 Rayon Sport

Police Fc 2-1 Bugesera

Mukura VS 0-1 Etincelles Fc

Ku cyumweru tariki ya 16 ukwakira 2016

Gicumbi Fc 1-1 APR Fc

SC Kiyovu 3-1 Amagaju Fc

Musanze FC 2-1 Pepiniere FC

Nyuma y’umunsi wa kabiri wa Shampiyona Sunrise na Etincelles nizo ziyoboye urutonde n’amanota 6. Rayon Sports iza ku mwanya wa 3 n’amanota 4 inganya na APR iza ku mwanya wa 4 n’amanota 4.