Mu gihugu cya Djibouti kuri iki Cyumweru, ikipe ya Mogadishu City Club yo muri Somalia yari yahakiririye ikipe ya APR FC, mu mukino ubanza wa CAF Champions League.

Nk’uko amakipe yo muri Somalia ubusanzwe amenyereweho kunyagirwa ibitego byinshi, si ko byagenze kuko iyi kipe yihagazeho irangiza uyu mukino inganyije na APR FC ubusa ku busa.

Muri uyu mukino Bizimana Yannick wa APR FC yabonye uburyo nka bubiri bwashoboraga kuvamo igitego ariko ntibyamuhira, mu gihe no ku ruhande rwa Mogadishu City nayo yagiye igerageza amahirwe yo gutsinda, by’umwihariko kuri rutahizamu wayo Marc Olivier Boue Bi.

Aya makipe yombi azongera guhurira mu mukino wo kwishyura uzabera kuri Stade ya Kigali i Nyamirambo ku Cyumweru tariki 19/09/2021, ikipe izakomeza ikazahura na Etoile Sportive du Sahel yo muri Tunisia.

Abakinnyi babanjemo ku mpande zombi