Uyu mukinnyi ukina hagati ariko afasha abugarira, amaze iminsi ari kuganira n’ikipe ya Rayon Sports ngo abe yayisinyira, akaba yaraye ageze i Kigali kuri uyu mugoroba, akaba kuri uyu wa Gatatu ari bwo ahise asinya amasezerano y’amezi atandatu

Ally Niyonzima usanzwe unakinira ikipe y’igihugu y’u Rwanda Amavubi, yari aherutse kwerekeza u gihugu cya Oman nyuma yo gutandukana n’ikipe ya APR FC, iyi akaba yarayerekejemo nyuma yo kunyura mu makipe nka AS Kigali ndetse na Mukura VS.

Uyu mukinnyi akaba yerekeje mu ikipe mu ikipe ya Rayon Sports aho agomba guhatanira umwanya n’abandi bakinnyi basanzwe bakina mu kibuga nka Nshimiyimana Amran, Nizeyimana Mirafa, Olokwei Commodore, Umar Sidibe na Kakule Mugheni Fabrice.