Mu mpera zicyumweru dusoje ikipe ya Real Madrid yihanije La Cologne ku bitego 8-2. Cristiano Ronaldo yatsinzemo ibitego 3 wenyine, Garenth Bale ndetse na Chicarito Javi Hernandez nabo batsinda bibiri bibiri, naho James Rodriguez nawe atsinda icya 8.

Ibi byahise bituma iyi kipe yizigamira ibitego, mu gihe bamwe mu bafana bayo bari bamaze kuyitera icyizere muri Shampiyona yo muri Espagne nk’uko umwe muri bo Nzayituriki Eustache abivuga.

Gutsinda kwa Real Madrid kandi igatsinda ibitego byinshi muri Shampiyona bije byiyongera kubyo yari yatsinze muri Champions League inyagira ikipe ya FC Bale ibitego 5-1. Karake Danny ufana Real Madrid avuga ko ikipe yagarutse mu bihe byayo byiza kandi ikomeje kwigaragaza ari nako abakinnyi bayo bakomeje kwandika amateka.

Ku munsi wa 4 wa shampiyona, ikipe ya Real Madrid yaje ku mwanya wa 7 n’amanota 6. Naho ikipe ya FC Barcelone ikomeje kuyobora urutonde rwa shampiyona n’amanota 12/12 nyuma yo gutsinda Levante 5-0. Atletico Madrid kuri ubu isa n’igenda isubira inyuma ikaba iri ku mwanya wa 4 n’amanota 8.

Safari Viateur