Kuri uyu wa Gatatu tariki 26/01/2022 Perezida wa Republika Paul Kagame yayoboye inama y’abaminisitiri yari igamije gusuzuma ingamba zo kurwanya Icyorezo cya Covid-19.

Mu itangazo ry’ibyemezo by’inama y’abaminisitri ryatanzwe n’ibiro bya Minisitri w’Intebe, ingingo P ivuga ko “Ibikorwa bya siporo y’umuntu ku giti cye n’izikorerwa hanze abantu bategeranye bizakomeza. Abafana bemerewe kureba imikino kuri stade no ku bibuga by’imikino”.

Iyi ngingo isoza ivuga ko amabwiriza arambuye kuri iyi ngingo azatangazwa na Minisiteri ya Siporo, aho abafana kugeza ubu bataramenya niba bemerewe kureba imikino ya shampiyona y’umupira w’amaguru itegerejwe uyu munsi ndetse n’ejo ku wa Gatanu.