KT TV
Basketball: REG na APR ntizahiriwe n’imikino ya Zone ya 5 muri Tanzania
Amakipe y’abagore ya APR na REG ntiyahiriwe n’irushanwa rya Basketball ryo mu karere ka gatanu ryaberaga i Arusha muri Tanzania, kuko iryo rushanwa ryegukanywe n’ikipe yo mu Misiri.
Ni irushanwa rihuza amakipe yabaye aya mbere iwayo, aho bakinira mu turere maze ikipe ibaye iya mbere ikajya muri Afribasket.
Iri rushanwa ryegukanye n’ikipe ya Alexandria Sporting Club yo mu gihugu cya Misi, aho yatsinze ku mukino wa nyuma ikipe ya Kenya Ports Authority yo muri Kenya, amanota 78 kuri 67.
Ikipe ya APR niyo yaje hafi, aho yegukanye umudari w’umwanya wa gatatu nyuma yo gutsinda REG bavaga mu gihugu kimwe amanota 42 kuri 39.
Ikipe ya REG niyo yegukanye igikombe cya Shampiyona cy’uyu mwaka, nyuma yo gutsinda iya APR imikino 3 kuri 1 mu mikino ya kamarampaka.
Ibitekerezo
Ohereza igitekerezo
|
|
