Basketball: APR na REG zageze ku mukino wa nyuma muri kamarampaka

Yanditswe na

Amon B. Nuwamanya

3-10-2024 - 11:34' | Ibitekerezo ( )

Amakipe ya APR na REG mu bagore, yageze ku mukino wa nyuma mu ya kamarampaka nyuma yo kwitwara neza mu mikino ya 1/2.

APR WBBC igiye kongera kwesurana na REG WBBC ku mukino wa nyuma

Kuri uyu mugoroba taliki ya 2 ukwakira, nibwo amakipe REG WBBC ndetse na APR WBBC bageze ku mukino wa nyuma mu ya kamarampaka nyuma yo gusezerera Kepler WBBC ndetse na GS Marie Reine y’ i Rwaza aho izi zombi zatsinzwe imikino 3-0.

Ubwo iyi mikino ya kamarampaka (playoffs) yatangiraga nk’uko amategeko abigena, amakipe yagombaga gutanguranwa imikino 5 aho uwatsinda undi imikino 3 bihita bimuhesha itike yo kwerekeza ku mukino wa nyuma.

Mu mwaka wayo wa mbere muri shampiyona y’icyiciro cya mbere muri shampiyona ya basketball mu Rwanda, ikipe ya Kepler WBBC ntabwo yahiriwe no kurenga imikino ya 1/2 nyuma yo gusezererwa na REG BBC iyitsinze imikino 3-0.

REG BBC yasubiye ikipe ya Kepler nayo iyitsinda imikino 3-0

Mu mukino wa mbere waahuje aya makipe yombi, REG WBBC yatsinze Kepler amanota 107 Kuri 45. Mu mukino wa kabiri wabaye taliki ya 29 Nzeri, ikipe ya REG WBBC yongeye gutsinda Kepler WBBC amanota 78 kuri 51 ndetse n’umukino wa gatatu yongeye gutsindwamo ku manota 70 kuri 56 bituma REG WBBC ikomeza ku mukino wa nyuma n’imikino 3-0.

Undi mukino muya kamarampaka ni uwahuje, ikipe ya APR WBBC ndetse na GS Marie Reine aho naho ikipe ya APR WBBC yayitsinze imikino 3-0.

Mu mukino wa mbere, wahuje aya makipe yombi taliki ya 27 Nzeri, ikipe ya APR yatsinze umukino wa mbere ku manota 96 kuri 65. Mu mukino wa kabiri wabaye taliki ya 29 Nzeri, ikipe ya APR WBBC yongeye gutsinda GS Marie Reine amanota 61 kuri 37 mbere yuko iyisubura kuri utu wa gatatu ikayitsinda ku manota 86 kuri 45.

Ikipe ya APR WBBC yatsinze GS Marie Reine imikino 3 ku busa

Nyuma yiyi mikino, harakurikiraho icyiciro cya nyuma (Finals) biteganyijwe ko gitangira kuri uyu wa gatanu taliki ya 5 ukwakira muri petit stade.

Ikipe ya APR WBBC na REG WBBC ni ku nshuro ya gatatu yikurikiranya bagiye guhurira ku mukino wa nyuma aho ishuro iheruka, ikipe ya APR WBBC ari yo yegukanye igikombe.