Amakipe umunani ni yo azitabira iri rushanwa rigiye gukinwa ku nshuro ya mbere , amakipe ane yabaye ya mbere umwaka w’imikino ushize 2018/2019 haba mu bagabo ndetse no mu bagore.

Amakipe azitabira Agaciro Basketball Tournament 2019

Abagabo

1. PATRIOTS BBC

2. REG BBC

3. ESPOIR BBC

4. APR BBC

Abagore

1. APR BBC

2. THE HOOPS BBC

3. RP-IPRC HUYE

4. UBUMWE BBC

Amatariki imikino izakinirwaho

Tariki ya 22 na 23 Ugushyingo hazaba imikino y’ijonjora ry’ibanze imikino izabera muri Petit Stade i Remera.

Uko amakipe azahura

Mu Bagabo

– PATRIOTS BBC VS APR BBC

– REG BBC VS ESPOIR BBC

Mu bagore

– APR W BBC vs Ubumwe BBC

– THE HOOPS BBCvs RP IPRC HUYE

Tariki ya 28 Ugushyingo hazaba guhatanira umwanya wa gatatu mu bagabo n’abagore.

Tariki ya 29 Ugushyingo, imikino ya nyuma izabera muri Kigali Arena .

Umuyobozi w’ishyirahamwe ry’umukino wa Basketball mu Rwanda Mugwiza Desire, aganira na Kigali Today, yavuze ko iri rushanwa rigamije gusobanurira Abanyarwanda iki kigega yagize ati “Ku bufatanye n’ikigega Agaciro Development Funds twateguye irushanwa Agaciro basketball Tournament, kugira ngo turusheho gusobanurira abakunzi ba Basketball n’Abanyarwanda muri rusange imikorere n’akamaro k’iki kigega”.

Ikigega Agaciro Development Fund gisanzwe gitegura irushanwa ry’umupira w’amaguru ‘kuri iyi nshuro kigiye gufatanya na Basketball.