Irushanwa #UmurengeKagameCup2023 ryasojwe, uko imikino yose yagenze (AMAFOTO)

Yanditswe na

Sammy Imanishimwe

26-06-2023 - 12:39' | Ibitekerezo ( )

Mu mpera z’iki cyumweru mu karere ka Gisagara habereye imikino ya nyuma isoza amarushanwa “Umurenge Kagame Cup”, yahuzaga imirenge yose igize igihugu

Ku wa Gatandatu tariki 24/06 mu karere ka Huye na Gisagara nib wo hatangiye imikino ya nyuma y’Umurenge Kagame Cup, ahakinwaga imikino ya ½, mu gihe ku Cyumweru ari bwo hakinwe imikino ya nyuma (Finals) mu byiciro birimo umupira w’amaguru, Basketball, Volleyball, Seat Ball, kubuguza, gusimbuka, gusimbuka ku maguru ndetse no gusiganwa ku magare.

Mu mupira w’amaguru, Umurenge wa Nyarugende ni wo wegukanye igikombe utsinzeUmurenge wa Ngarama wo mu karere ka Gatsibo ibitego 4-2, mu gihe mu bagore igikombe cyatwawe n’umurenge wa Murunda wo mu karere ka Rutsiro utsinze Umurenge wa Rwimbogo wo mu karere ka Rusizi ibitego 3-0.

Mukansanga Salima ni we wasifuye umukino wa nyuma mu bagabo

Minisitiri w'ubutegetsi bw'igihugu Musabyimana Jean Claude atanga igikombe

Muri Basketball, mu bagabo igikombe cyatwawe na Musanze itsinze Gatsibo amanita 44 kuri 43, mu gihe mu bagore igikombe naho cyatwawe na Musanze itsinze akarere ka Kamonyi amanota 34 kuri 33.

Muri Volleyball igikombe mu bagabo igikombe cyatwawe n’akarere ka Gasabo gatsinze Kamonyi amaseti 3-0 (25-20, 25-20, 25-22), naho mu bagore akarere ka Gicumbi gatwara igikombe gatsinze aka Nyamasheke amaseti 3-0 (25-15, 25-15, 25-08).

Uko amakipe n’abantu ku giti cyabo begukanye ibikombe n’imyanya ya mbere

U𝗺𝘂𝗽𝗶𝗿𝗮 𝘄’𝗮𝗺𝗮𝗴𝘂𝗿𝘂

MU BAGABO

1. Umurenge wa Nyarugenge (Akarere ka Nyarugenge)
2. Umurenge wa Ngarama (Akarere ka Gatsibo)
3. Umurenge wa Busasamana (Akarere ka Rubavu)

MU BAGORE

1.Murunda (Akarere ka Rutsiro)
2.Rwimbogo (Akarere ka Rusizi)
3.Kacyiru (Akarere ka Gasabo)

Basketball

Men: Musanze

Women: Musanze

Volleyball

Abagabo: Gasabo

Abagore: Gicumbi