Amakipe azakina imikino ya nyuma mu bigize Huye Half Marathon yamenyekanye (AMAFOTO)

Mu karere ka Huye hari kubera imikino ibanziriza isiganwa rya Huye Half Marathon rizaba mu mpera z’iki cyumweru, hakaba ahamaze kumenyekana amakipe azakina imikino ya nyuma (Finals)

Nyuma y’imikino y’amajonjora yari yakinwe ku wa Gatandatu, amakipe yageze muri ½ yaje guhatana kuri iki Cyumweru yishakamwo azakina umukino wa nyuma.

Muri Volleyball mu bagabo, ikipe yitwa Umucyo yatsinze Petit Seminaire Virgo Fidelis amaseti atatu ku busa, undi mukino wa ½ ukazakinwa kuri uyu wa Gatatu, ukazahuza inkambi ya Kigeme na GS Officiel de Butare.

Umucyo yatsinze Petit Seminaire Virgo Fidelis amaseti atatu ku busa
Umucyo yatsinze Petit Seminaire Virgo Fidelis amaseti atatu ku busa

Mu mukino w’intoki wa Basketball mu bagabo, ikipe ya Kaminuza y’u Rwanda ishami rya Huye (UR-Huye) yatsinze Petit Seminaire Virgo Fidelis amanita 59 kuri 44, naho IPRC Huye itsinda GS Officiel de Butare amanita 59 kuri 36, umukino wa nyuma ukazahuza IPRC-HUYE na UR-HUYE.

Muri Volleyball y’abakobwa, umukino wa nyuma uzahuza amakipe ya IPRC Huye ndetse na REGINA PACIS, uyu nawo hamwe n’indi mikino ikazaba kuri uyu wa Gatanu, hakaba ari naho hateganyijwe amasiganwa yo koga.

Iyi mikino izasozwa na Huye Half Marathon

Ku wa Gatandatu, hateganyijwe isiganwa ku maguru ry’igice cya Marathon, aho abasiganwa bazasiganwa intera ingana na Kilomtero 21, bakazahagurukira imbere y’inzu y’imberabyombi- ku Biro by’Akarere- Hoteli Galileo- Petit Seminaire Karubanda- ku Rwibutso rwa Jenoside rwa Ngoma- Ku Ivuriro rya Polisi- ku Ibarabara rya gatatu- ku muhanda wa Kaburimbo- Ecole Primaire y’i Ngoma- Ku kibuga cy’indege- Iposita ya Butare- ku Biro bya RRA- ku isoko- ku Bitaro bya Kaminuza ya Butare ‘CHUB’, Hoteli Barthos- Hoteli Credo- mu Cyarabu- Casa Hotel – bazagaruke aho yahagurukiye ku nzu y’Imberabyombi, iyi nzira ikazakorwa inshuro ebyiri, maze basoreze kuri Sitade Huye.

MENYA UMWANDITSI

kigalitoday android app mobile

Ibitekerezo   ( 1 )

Nukuri nukuri abantu bategura ayamarushanwa bajye bashyiramo gutekereza kuko nigute wabwira umwana ngwahurire nase mukibuga? Secondaire ukwazo, Kaminuza ukwazo ndetse nabakina mukiciro cyakabiri bajye bahura abatakirimo bahure. NARUMIWE KUBONA UMWANA WIGA MUWA3,4,5 AHURA NIBIGABO BYIBISAZA BYIGA KAMINUZA NGWIYO NI COMPETITION. NTIBIZONGERE KABISA MUTAZANATUVUNIRA ABANA BATO, UBURENGANZIRA BWUMWANA BWUBAHIRIZE

josiane yanditse ku itariki ya: 14-01-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka