Munyaneza Didier yabaye uwa kane ku munsi wa mbere wa Tour du Senegal-Amafoto

24-04-2018 - 01:29' | Ibitekerezo ( )

Mu gace ka kabiri ka Tour du Senegal, isiganwa rizenguruka Senegal, umunyarwanda Munyaneza Didier yegukanye umwanya wa kane akoresheje ibihe bingana n’iby’uwa mbere

N’ubwo yegukanye umwanya wa kane, Munyaneza Didier yakoresheje ibihe bingana n’iby’uwa mbere, aza no guhabwa igihembo cy’umukinnyi ukiri muto waje imbere y’abandi.

Isiganwa ry'uyu munsi ryanyuze mu duce twa Thies berekeza St Louis

Iri siganwa n’ubwo hakinwaga agace ka kabiri, aka mbere ntikabashije gukinwa kubera ibura ry’umuganga, bituma uyu munsi bakina agace ka kabiri, agace kari kagizwe n’intera ya Kilometero 181.8.

Abakinnyi b'u Rwanda muri Tour du Senegal

Munyaneza Didier wafashe umwanya wa kane, yakoresheje amasaha 4, iminota 46 n’amasegonda 21, bingana n’ibihe umunya-Algeria Raguigui Youcef ukina mu ikipe yitwa Sovac Natura4Ever waje ku mwanya wa mbere muri iri siganwa.

Uko abakinnyi bakurikiranye mu gace k’uyu munsi

1 REGUIGUI Youcef 4:46:21
2 KOOP Jos 4:46:21
3 FIEGE Lorenz 4:46:21
4 MUNYANEZA Didier 4:46:21
5 CLAIN Médéric 4:46:21
6 HAMZA Abderrahmane Mehdi 4:46:24
7 VAN GILS Arne
8 STENUIT Robin Sovac - 4:46:24
9 KWIATKOWSKI Grzegorz 4:46:24
10 TROUDE Mathieu 4:46:24

Andi mafoto yaranze iri siganwa

Sempoma Felix aha amabwiriza abakinnyi be mbere yo guhaguruka

Intego ni umwe ku banyarwanda, ni ukwegukana umwanya wa mbere, ibendera ry'u Rwanda rikazamuka

Munyaneza Didier wanegukanye umwanya wa mbere mu bakiri bato

Abakinnyi b'u Rwanda mbere yo gutangra isiganwa, beretswe n'Abanyarwanda batuye muri Senegal ko babari inyuma

Sempoma Felix utoza iyi kipe, yari ashyigikiwe n'Abanyarwanda batuye muri Senegal

Munyaneza Didier yahawe ibihembo bitandukanye

Hadi Janvier nyuma y'iminsi myinshi yongeye guhagararira u Rwanda

Ukiniwabo Jean Paul Rene, umwe mu bakinnyi b'u Rwanda

Kuri uyu wa kabiri, abasiganwa barahaguruka ahitwa St Louis basoreje kuri uyu wa mbere, berekeza Pire-Goureye, aho baza gusiganwa ku ntera ingana na Kilometero 148.5k

Amafoto:Mukiza Pascal/Diaspora Nyarwanda muri Senegal