Ni isiganwa Magdeleine Vallieres yegukanye nyuma yo gukoresha amasaha ane n’iminota 34 n’amasegonda 48 azenguruka inshuro 11 inzira yahagurukiraga Kigali Convention Centre ari naho hasorejwe (KCC - Gishushu - MTN - Mu kabuga ka Nyarutarama- Kuzenguruka kuri Golf - SOS - MINAGRI - Ninzi- KABC - RIB - Mediheal -Women Foundation Ministries (Kwa Mignone) - Ku Muvunyi - KCC) aho ingana n’ibilometero 164 na metero 400.

Umunya-Nouvelle-Zelande, Niamh Fisher-Black, yegukanye umwanya wa kabiri, asizwe amasegonda 23 mu gihe umwanya wa gatatu wegukanywe na Mavi García wo muri Espagne wasizwe n’uwa mbere amasegonda 27.

Abanyarwandakazi bari bahagarariye u Rwanda muri iri siganwa Nirere Xaverine, Ingabire Diane, Nzayisenga Valentine na Irakoze Neza Violette ntabwo basoje bose kuko barivuyemo ritarangiye.