Uyu Muholandikazi w’imyaka 18 y’amavuko yegukanye iyi shampiyona nyuma yo gusoza ibilometero 18.3 byahagurukiye muri BK Arena bigasorezwa Kigali Convention Centre, akoresheje iminota 25 n’amasegonda 47.

Arens yakurikiwe n’Umunya-Espagne Ostiz Paula yarushije amasegonda 35, umwanya wa gatatu wegukanwa n’Umwongerezakazi Gissinger Oda Aune wakoresheje amasegonda 37.

Abanyarwakazi babiri basiganwe ni Masengesho Yvonne wegukanye umwanya wa 33 arushijwe na Arens Megan iminota itatu n’amasegonda 55 mu gihe Uwiringiyimana Liliane yabonye umwanya wa 40 arushijwe n’uwa mbere iminota itanu n’amasegonda 11.

Iki cyiciro cyakurikiwe n’ingimbi nazo zahagurikiye muri BK Arena zisiganwa ibilometero 22.6 nabyo birasorezwa kuri Kigali Convention Centre.

Amafoto: Niyonzima Moise