Abanyarwanda kandi bigaragaje cyane kuko mu myaka itanu ya mbere ari bo bayihariye bonyine. Nsengimana yanashoboye gushiramo ikinyuranyo cy’umunota umwe.

Nsengimana Bosco yongeye kwegucana agace ka Tour du Rwanda ku nshuro ya kabiri.

Abasiganwa 51 nibo bahagurutse i Rubavu berekeza i Kigali, aho bagiye bahura n’imvura ariko ntibyababuza kugenda kilometero 156.5 kugera kuri Stade Regional i Nyamirambo.

Abakinnyi b’Abanyarwanda baje kugaragaza ubuhanga ubwo basigaga Abanya-eritrea bazwi cyane mu guterera, aho baje kubasiga ubwo bazamukaga umuhanda w’amabuye wo kwa Mutwe Kimisagara.

Abigezeho nyuma yo gusiga abanyamahanga bari bahanganye mu rugendo bavuyemo Rubavu-Kigali.

Ubwo yari akimara kurenga umurongo wemeza ko atsinze.

I Nyamirambo imbere y’abafana benshi bari bategereje n’amatsiko, Abanyarwanda batanu bayobowe na Nsengimana Jean Bosco baje gutunguka bari imbere ibyishimo bisaga abari aho bose.

Nsengimana Jean Bosco yaje gukoresha amasaha 4,iminota 10 n’amasegonda 22, akurikirwa na Areruya Joseph wakoresheje amasaha ane n’iminota 11.

Ku munsi wa nyuma wa Tour du Rwanda kuri iki cyumweru, abasiganwa barahaguruka Saa tatu n’igice za mu gitondo bazenguruka umujyi wa Kigali inshuro icumi.

Bazahagurukira kuri Stade Amahoro berekeza Kibagabaga na Nyarutarama, bakanyura kuri RDB berekeza Stade Amahoro ari naho bazasoreza hakanamenyekana uwegukanye iri siganwa.

Uko bakurikiranye uyu munsi:

1.Nsengimana Jean Bosco
2.Areruya Joseph
3.Hakuzimana Camera
4.Biziyaremye Joseph
5.Uwizeye Jean Claude
6.Winterberg Lukas
7.Ruhumuriza Abraham
8.Byukusenge Patrick
9.Eyob Metkel
10.Byukusenge Nathan

Urutonde rusange:

1.Nsengimana Jean Bosco:20h52’15"
2.Areruya Joseph:20h54’00"
3.Hakuzimana Camera:20h54’43"
4.Byukusenge Patrick:20h55’06"
5.Winterberg Lukas:20h55’10"
6.Eyob Metkel:20h55’17"
7.Debesay Mekseb:20h55’22"
8.Byukusenge Nathan:20h55’36"
9.Biziyaremye Joseph:20h55’42"
10.Liponne Julien:20h55’48"

Andi mafoto:

Iyo ndege yafataga amashusho.

Isiganwa ryahagurukiye mu Karere ka Rubavu. Aha biteguraga guhaguruka.

Bahise bahaguruka berekeza i Kigali.

Ikipe y’u Rwanda n’ubwo igihe kinini itari iyoboye ariko yari ishyize hamwe, byanatumye irangiza neza ifite batanu bayoboye urutonde.

Bahise bahaguruka berekeza i Kigali.

Ikipe y’Abanya-eritrea n’iy’Abanya-egypt ni zimwe mu makipe zari zikomeye muri aka gace.

Mu muhanda w’amabuye ahazwi nko kwa mutwe niho ikipe y’Abanyarwanda yigaranzuriye mu buryo bugaragara abo bari bahanganye, kuko hazamuka cyane.

Sammy IMANISHIMWE