REG itsinze Gisagara inayitwara igikombe cya shampiyona

Yanditswe na

KT Editorial

19-05-2019 - 09:15' | Ibitekerezo ( )

Ikipe ya REG itsinze Gisagara amaseti 3-0 mu mukino wa gatatu wa kamarampaka ihita yeguyakana igikombe cya shampiyona y’igihugu ya volleyall.

REG iterura igikombe cya Shampiyona yari imaze kwegukana

Iyi ntsinzi ya REG yari iya kabiri mu mikino itatu ya kamarampaka aya makipe yakinnye,ari nayo yahesheje REG igikombe cya shampiyona cya mbere mu mateka yayo kuva yashingwa muri 2017.

Muri uyu mukino wabereye kuri Stade Amahoro, REG yatangiranye imbaraga aho yagendaga imbere ya Gisagara hafi umukino wose.Seti ya mbere yayitsinze kuri 25 kuri 23,iya kabiri 25-21 naho iya gatatu iyitsinda 25-18.

Umukino uheruka Gisagara yari yihereranye REG iyitsindira i Gisagara amaseti atatu ku busa mu gihe umukino wa mbere REG ariyo yari yegukanye itsinzi.

Aya makipe yombi kandi niyo yari yahuriye ku mikino ya kamarampaka isoza shampiyona y’umwaka ushize aho Gisagara yatsinze REG imikino ibiri ibanza ihita itwara igikombe batiriwe bakina umukino wa gatatu.